Thursday, May 19, 2011
လွှင့်မြောခြင်း (၂)
လွှင့်မြောခြင်း (၂)
လေပြေလေးတစ်ချက် ဝေ့သလို
မြက်ပင်လေးတစ်ချက် ယိမ်းသွားတယ်
မှုတ်ထုတ်လိုက်တဲ့ လေပူနောက်မှာ
သောကတွေ တသီတတန်းနဲ့ …
ရွက်ကြွေတာကိုတောင် ထိုင်ရယ်ချင်တယ်
ဆယ်ကျော်သက် ရယ်သံမျိုးတော့ ဟုတ်ဖူး …
ရယ်သံနောက်မှာ ငိုသံလိုက်တယ်တဲ့
အံကြိတ်ထားလို့ ငိုသံမထွက်ပေမယ့်
နင့်ခနဲတော့ ဖြစ်မိသား …
ပြန်မရနိုင်တော့တဲ့ အတိတ်ကိုတောင်
သတိရလိုက်သေးတယ်
ဒါတောင် သင်ခန်းစာ မရသေးဘူးလားတဲ့။ ။
ကြယ်တံခွန်
လွှင့်မြောခြင်း (၁)
လွှင့်မြောခြင်း (၁)
ခြေလှမ်းတွေမှန်မှန်နဲ့
အတွေးတွေဟိုဒီလှည့်နေချိန်
ခလုတ်တိုက်မိတဲ့သူလို…
တွဲလက်ကိုခိုင်ခိုင်မြဲ
မခွဲတမ်းဆွဲကိုင်ချိန်
ပြိုလဲကျ ကောင်းကင်လို…
မသိခဲ့ပါဘူး
စိတ်ကူးနဲ့ရူးခဲ့တော့
အမှန်တရားရဲ့အခြားတစ်ဘက်မှာ
စုန်းစုန်းနှစ်မြုပ်ခဲ့ပေါ့ ။ ။
ကြယ်တံခွန်
မျှော်လင့်ခြင်း
မျှော်လင့်ခြင်း
ကိုယ်လျှောက်မည့်လမ်း မြင်မိသားနှင့်
လမ်းပျောက်သောသူ တွေ့ဖူးပါလော။
တို့ပိုင်ပစ္စည်း တို့သိသားနှင့်
အဝေးကနေ ငေးဖူးပါလော။
ကိုယ်လျှောက်မည့်လမ်း ပျောက်ခဲ့ဖူးလည်း
တို့ပိုင်ပစ္စည်း ငေးခဲ့ဖူးလည်း
လမ်းဆုံးတစ်နေ့ ရောက်လိမ့်မည်
လက်ဝယ်တစ်နေ့ ရလိမ့်မည် ။ ။
ကြယ်တံခွန်
Subscribe to:
Posts (Atom)